[159] Anno 1580 auff Weinachtenn hatt Nickel
Tschentscher erbegelt geleget 8 m(arck) daruonn hatt
gehabenn Michel Hancke vonn witgendorff, wegen
Seyneß weybes barbara 2 m(arck) vnd auch wegen
Seynes verstorbenenn stieff Sohns Jörge domsen
4 m(arck) vnnd Casper henn vonn pultzenn 2 m(arck)
ist geschehenn in gerichtenn furm schultz hans otten
Matz hermenn, vnnd Mertthenn heckern

[160] Jhme 1581 Jar am tage Michaeles hatt nickel
Tschentscher, Casper henenn vonn pultzenn alle Sein
halbe vnnd Recht So viel er wegenn Seines weibes
Marttha auff Seim gutte gehabet hatt, Nemlich fur
tzehenn schillinge m(arck) 3 m(arck) vnd dressigste halbenn heller
hatt er Jhm gegebenn 36 m(arck) welche gelde denn gedachter
Tschentscher alle Jar Järlich auff weinachtenn vonn der
erbegelde tzwo m(arck) bein sich behaltenn Soll
hierauff ist gedachter Casper henn fur die gerichte gestan-
denn, hatt bein sein frischenn gesundenn Leybe
gutt willig auß gesaget vnd bekandt, d(as) er von
vonn gemeltem Nickel Tschentscher wegenn, Solches
Seynes weybes rechtenn vom erstenn heller biß
tzum Letztenn vol vergnuget vnd betzalet worden ist
hatt Sich auch Solches alles geaussert vnd vertziegen
als ein ehelicher vormunde Seynes weybes Nun
vnd Niemermehr dessendt halbenn auff diesem seine(m)
gutte etwas tzu fordern oder drauff tzu sprechenn weder
mit geistlichenn od(er) weltlichenn gerichtenn od(er) wie es
Menschenn Liest erdenckenn mochte, es störbe Jhnn
denn weitter wes ahnn od(er) keuffte es vmb sein frei
purpor gelt ist geschehenn in gerichtenn furm schultzen
hans Otten Jörge Ritter, hans Tomas vnd
Mertthenn hecker geschworne scheppenn