[845] Jörge ritters des Jungern kauff

Anno 1584 dornstag Nach Marya heimsuchung welches da
war der 5 July ist alhie tzu Joraw ein rechter Christlicher
vnd endtlicher erbkauff geschenn mit gunst vnd tzulassenn
vnser erbherrschafft tzu kratzkaw zwischenn paul ritters nach
gelassenn erbenn wie sie mit Namen volgenn
Als nemlich Jorge Ritter des paul ritters Jungster bruder
hatt das gutt vonn Seynenn geschwistern kauffs weyse ann
genomenn wie das selbe Jhnn Seynen reynen vnd grantzen
vohr alters als vor ein hube vnd ein Rutte ackers gelegenn
vnd nach Lieget zwischenn hans Tomassenn vnd andres hancken
wie es stehet vnd Leidt mit allem haußradte vnd baw radte erde
Nagel vnd witten feste Jhnn der heupt Summa vmb Seinn
drey geschwistern auff drey termin hierauss gebenn acht hundertt
Marckg Jede m(arck) vor 32 w(eisse) g(roschen) vnd den g(roschen) vor 12 (heller) gerechnet
als erstlichenn auff kunfftige fastnach des volgenden 85 Jares
Sechs hundertt darnach auffastnach des 86 Jares ein hundertt
vnd Letzlich auffastnach des 87 Jares das Letzte hundertt
das also die gantze Sum(m)a volligerleget vnd endtlichen gezalet
Sollenn werdenn

[846] Anno 1585 auffastnach hatt Jorge ritter Seynem kauffe
nach die erste geretschafft geleget Sechs hundertt marckg
vonn dysem hatt empfangen Jacob Ritter vonn witgendorff
tzwey hundertt m(arck) Jacob grusser von Tschechen wegenn
Seynes weybes Martta zwey hundertt m(arck) vnd Casper
Ritter vonn Latmanstdorff zwey hundertt marckg
Solches ist geschehenn in gerichten vorm schultzen hans Ottenn
Jorge Ritter der elter hans Tomas, Nickel Tschentscher
Matz hermen, Merttenn hecker vnd Mertten paussewange
die tzeit geschworne Scheppenn

[847] Anno 1586 auffastnach hatt Jörge ritter seynem
kauffe nach die ander geretschafft als nemlich hundertt m(arck)
geleget daruon hatt empfangenn Sein bruder Jacob ritter
vonn witgendorff 33 m(arck) 10 w(eisse) vnd acht heller vnd Sein
ander bruder Casper ritter vonn Latmanstdorff hat vor